ქუთაისის მერიას პოლიტიკური ნიშნით სამსახურიდან გაშვების ბრალდებას უყენებენ.
ცოტნე თვარაძე ამბობს, რომ ოთხწლიანი მუშაობის შემდეგ მერიაში ხელშეკრულება მხოლოდ იმიტომ არ გადაუგრძელეს, რომ 26 ოქტომბერს ხმა "ქართულ ოცნებას" არ მისცა.

ამბობს, რომ მას სამსახურში მმართველი პარტიისთვის კონკრეტული მასალების დამზადება სთხოვეს, რაზედაც უარი თქვა. ამის შემდეგ იყო, არჩევნები, სადაც საკუთარი არჩევანი მმარტველი პარტიის საწინააღმდეგოდ დააფიქსირა.

"არჩევნებზე მისულს დამკვირვებელემა ("ქართული ოცნების") კონვერტიდან გამოაცურა ჩემი ბიულეტინი და მანამ აცურებდა, სანამ არ გამოჩნდა მარკერის კვალი. ეს ყველაფერი კი ერთმანეთს დაემატა და მიიღეს ეს გადაწყვეტილება. თუმცა არავის არ აუხსნია თუ რატომ არ გადამიგრძელეს შრომითი ხელშეკრულება მაშინ როცა მთელი ოთხი წლის განამვლობასი ასე აკეთებდნენ", - ამბობს ცოტნე თვარაძე.

ცოტნე თვარაძე მერიაში ერთადერთი დიზაინერ-გრაფიკოსი იყო, რომლის მუშაობით, როგორც გათავისუფლებული თანამშრომელი აღნიშნავს, ოთხი წლის განამვლობაში კმაყოფილები იყვნენ.

აღსანიშნავია, რომ ცოტნე თვარაძე აქტიურად მონაწილეობდა ბალდის კანიონის პროტესტში.

"შესაძლოა ესეც იყო მიზეზი", - აღნიშნავს ცოტნე თვარაძე.



ქუთაისის მერიაში თანამშრომლის პოლიტიკური ნიშნით სამსახურიდან გაშვების ბრალდებაზე კომნეტარს არ აკეთებენ. ცოტნე თვარაძე ამბობს, რომ მერიის წინაარმდეგ სარჩელს სასამართლოსი შეიტანს.