პარლამენტის ყოფილს შენობას მთავრობამ წინასაარჩევნოდ ახალი დანიშნულება მისცა. მორიგი დაპირებით შენობაში ტექნოლოგიური ჰაბი უნდა განთავსდეს.
როგორია ქუთაისში წარმოდგენილი საარჩევნო სუბიექტების ხედვა პარლამენტის ყიფილ შენობასთან მიმართებაში და რა ფუნქცია უნდა ქონდეს  მას. ქუთაისიპოსტი, ქუთაისში წარმოდგენილ თითოეულ საარჩევნო სუბიექტს 1 წუთს უთმობს, რომ აუდიტორიას გააცნონ თავიანთი ხედვები ქუთაისისთვის მთავარი თემის გარშემო. ტრადიციულად უარი გვითხრა "ქართული ოცნების" წარმომადგენელბამა. ასევე, უარი თქვეს თავიანთი პოზიციის დაფიქსირებაზე პოლიტიკური გაერთიანება "ძლიერი საქართველოსთვის" წარმომადგენლებმაც.



ხუთ წელზე მეტი გავიდა მას შემდეგ, რაც საკანონმდებლო ინსტიტუტი ქუთაისიდან თბილისში გადაიტანეს. 2012 წლის შემდეგ, 2019 წლის 5 თებერვალს, საქართველოს მეცხრე მოწვევის პარლამენტის საგაზაფხულო სესია თბილისში გაიხსნა. მას შემდეგ მმართველი გუნდი, ქალაქს, პარლამენტის ნაცვლად, სხვადასხვა პროექტს ჰპირდებოდა. მათ შორის, საპოლიციო ჰაბის და საკონფერენციო დარბაზის მოწყობას. ბოლოს კი (2022 წელს), მაშინდელმა პრემიერმა ირაკლი ღარიბაშვილმა თქვა, რომ შენობაში ტექნოლოგიური ჰაბი განთავსდებოდა.