"ჩვენი ქვეყნისა და სარწმუნოებისათვის ეგზისტენციალურად მნიშვნელოვანი საკითხი, რომლის თაობაზეც მიმდინარეობს აქტიური მუშაობა და უახლოეს პერიოდში საზოგადოებას მნიშვნელოვანი გადაწყვეტილების თაობაზე ვაცნობებთო"- ეს ბიძინა ივანიშვილის სიტყვებია.

მნიშვნელოვანი გადაწყვეტილება კი მართლმადიდებლობის სახელმწიფო რელიგიად გამოცხადებაა.

ეს ინიციატივა მმართველი პარტიის წინასაარჩევნო ერთ-ერთი დაპირება იყო.

თუმცა "ქართული ოცნების" ეს გადაწყვეტილება იგივე ენთუზიაზმით არ გაუზიარებია საპატრიარქოს.

ერთ-ერთ მიზეზად სახელდება ეკლესიის ინსტიტუციური დაქვემდებარება სახელმწიფო ხელისუფლებისადმი, რაც ეკლესიას დაასუსტებს.

რა სურს მმართველ პარტიას და რატომ არ გაიზიარა ეს ინიციატივა საპატრიარქომ?