როგორ უნდა მისცენ ამომრჩევლებმა ხმა 26 ოქტომბრის საპარლამენტო არჩევნებზე, რომელიც ელექტრონული წესით ტარდება - რა იციან ქუთაისში? - "ქუთაისიპოსტმა" მოსახლეობის გამოკითხვა ჩაატარა.

ჩვენ მიერ, შემთხვევითი შერჩევის პრინციპით, გამოკითხული 40-მდე ადამიანიდან, უმრავლესობა ამბობს, რომ იცის, როგორ მისცეს ხმა ელექტრონულ არჩევნებში - კერძოდ ის, რომ ნაცვლად შემოხაზვისა, ახლა უკვე სასურველი საარჩევნო სუბიექტი უნდა გაფერადდეს. ზოგიერთის თქმით, არ იცის, თუ როგორ ხდება ელექტრონული წესით ხმის მიცემა, თუმცა, ამბობს, რომ საარჩევნო უბანზე მას წესებს გააცნობენ და დაეხმარებიან.




საპარლამენტო არჩევნები საქართველოში 2024 წლის 26 ოქტომბერს, ელექტრონული ტექნოლოგიების გამოყენებით ჩატარდება. ქართველი ამომრჩევლის თითქმის 90% ხმას სპეციალური ელექტრონული აპარატების დახმარებით მისცემს.

მე-11 მოწვევის პარლამენტის დეპუტატებს მთლიანად პროპორციული სისტემით, ანუ პარტიული სიებით აირჩევენ. აქამდე საპარლამენტო არჩევნები შერეული სისტემით იმართებოდა - პარტიული სიებით და მაჟორიტარულ ოლქებში.

პარლამენტში მოხვდებიან მხოლოდ ის პარტიები, რომლებიც არჩევნებზე მისული ამომრჩევლების ხმების მინიმუმ 5%-ს მიიღებენ.