ქუთაისში პოლიტიკური პარტიები საარჩევნო კამპანიას აქტიურად ახორციელებენ.
პარტიების წარმომადგენლები უბან-უბან დადიან და მოსახლეობის მიმართ არაერთ დაპირებას გასცემენ.

ქუთაისიპოსტი დაინტერესდა, რამდენად იცნობენ ისინი მოსახლეობის რეალურ პრობლემებს და ამავდროულად, თავად მოქალაქეები რას თვლიან ქუთაისში მთავარ პრობლემად.

ამ კითხვაზე ჩვენს მიერ, შემთხვევითი შერჩევის პრინციპით გამოკითხული 40 ადამიანიდან, 25 ადამიანზე მეტი ამბობს, რომ ქალაქში მთავარი პრობლემა მიგრაცია, უმუშევრობა და სიღარიბეა.

რამდენად თანხვედრაშია მათი პასუხები საარჩევნო სუბიექტების წარმომადგენელთა პასუხებთან - ქუთაისიპოსტის მიერ მომზადებულ ვიდეოში ნახავთ, რომელშიც ქუთაისში წარმოდგენილი საარჩევნო სუბიექტები თანაბრად არიან ჩართულნი (თითოეული პოლიტიკური გაერთიანებიდან კითხვაზე პასუხს სცემს ერთი წარმომადგენელი).

რაც შეეხება მმართველ პარტიას, ჩვენ “ქართული ოცნებასაც” ვთხოვეთ გამოკითხვაში მონაწილეობის მიღება. თუმცა პარტიაში პასუხის გაცემაზე უარი გვითხრეს.


26 ოქტომბერს, საქართველოში, მორიგი საპარლამენტო არჩევნები გაიმართება, რომელსაც ქვეყნის დემოკრატიული განვითარებისა და ევროკავშირში ინტეგრაციის თვალსაზრისით გადამწყვეტი როლი ენიჭება. აღსანიშნავია, რომ ეს არჩევნები არის პირველი საპარლამენტო არჩევნები საქართველოს ისტორიაში, რომელიც ევროკავშირის წევრობის კანდიდატი ქვეყნის სტატუსის ქვეშ გაიმართება.