დასავლეთი არ არის კონკრეტულად გეოგრაფიული ადგილი, დასავლეთი - ფასეულობათა სისტემაა, მიაჩნია მწერალ ტარიელ დათიაშვილს.

"დასავლეთი არის საუკუნეებისა და ათასწლეულების განმავლობაში ჩამოყალიბებული ფასეულობათა სისტემა მსოფლმხედველობა, რომელიც მოდის აქამდე და ამ მსოფლმხედველობის წიაღში იხარშება ეს ცივილიზაცია. ის რასაც ჩვენ ვხედავთ ტექნოლოგიები იქნება თუ კეთილდღეობა, იმ ფასეულობათა ნაწილია, რომელიც მოდის თითქმის 3000 წელია. ამას ვეძახით დასავლეთს", - მიაჩნია მწერალს.

მწერალი გამოყოფს იმ ფუნდამენტს, რაზეც დგას ქართული ცნობიერება.

"ივერიული ცნობიერების ფუნდამენტი დგას ცოდნისა და რწმენის ერთიანობაზე - იერუსალიმისა და ათენის ერთიანობაზე. ეს არის ორი ფუნდამენტურად განსხვავებული და ერთმანეთის შემავსებელი ცენტრი, მასზე იდგა, მაგალითად, შოთა რუსთაველის ეპოქის მთელი ქართული ცნობიერება".

მწერლის თქმით, ქართული მწერლობა წარსულში თუ თანამედროვეობაში, ფორმით თუ ღირებულებებით დასავლეთთან ერთობას ასახავს.

ამ ერთობას გრძნობენ დასაველთშიც. ამის გამოძახილია ისიც, რომ ქუთაისი იუნესკომ ევროპის ლიტერატურულ დედაქალაქად გამოაცხადა და ეს სტატუსი ოთხი წლით მიანიჭა, - მიაჩნია მწერალს.