ორ თვეზე მეტია, ქუთაისის ქუჩებში, მათ შორის, სკოლების, კულტურული მემკვიდრეობის სტატუსის მქონე შენობების ფასადზე სიძულვილის ენის შემცველი წარწერებია განთავსებული, შემდეგი შინაარსით „ნაცი კლავს“, „სატანა ნაცი კლავს“. თუმცა, მერიას ამდრომდე არავინ დაუჯარიმებია.
ადგილობრივ თვითმმართველობაში მხოლოდ ზოგად პასუხს გვცემენ, რომ საკითხზე მოკვლევა დაიწყეს და ნაწერებსაც შლიან. მაგრამ რატომ ვერ შეძლეს აქამდე წარწერების ავტო(ები)ის იდენტიფიცირება, ამაზე არ გვპასუხობენ.

ფასადებზე წარწერების თემით არც კულტურული მემკვიდრეობის სააგენტო დაინტერესებულა. ყოველშემთხვევაში, მათი მხრიდან ამის შესახებ რაიმე სახის განცხადება არ გავრცელებულა, ასევე, ქუთაისიპოსტის არაერთი მცდელობის მიუხედავად, სააგანეტოს პრესსამსახურის წარმომადგენელი სატელეფო ზარებსაც არ პასუხობს.

„სამართლიანი არჩევნების“  კოორდინატორი თათია ქინქლაძე, რომ წარწერებით მახიჯდება როგორც ქალაქის იერსახე, ასევე, წინასაარჩევნო პერიოდში კონკრეტული პარტიის მიმართ მიზანმიმართული სიძულვილის ენა პოლიტიკური ძალისთვის არაკონკურენტულ გარემოს ქმნის.



არასამთავრობო ორგანიზაცია „ევროპა ჩვენი სახლიას“ დამფუძნებლები ამბობენ, რომ ადგილობრივ თვითმმართვლობაში კანონის აღსრულების ორმაგი სტანდარტი აქვთ - აჯარიმებენ იმათ, ვინც მათიანი არაა. ვახტანგ სიხარულიძის თქმით, ამის დასტურია ორ თვის განმავლობაში ქუჩებში არსებული წითელი წარწერები, რომლის ავტორები იდენთიფიცირებულიც კი არ ჰყავთ.

სამაგიეროდ, ორგანიზაციაში კარგად ახსოვთ შემთხვევები, როდესაც ქუთაისში, ანტისაოკუპაციო სტიკერების გაკვრის გამო, მერიამ მეორე დღესვე დააჯარიმა „ევროპა ჩვენი სახლიას“ ერთ-ერთი დამფუძნებელი. თორნიკე ბარათაშვილმა 1000 ლარიანი ჯარიმა 2022 წელს მიიღო, ანტისაოკუპაციო სტიკერების თეთრ ხიდზე გაკვრის გამო. 


უფრო ადრე, 2019 წელს კი, "ევროპა ჩვენი სახლიას" წარმომადგენლებს ქალაქის იერსახის დამახინჯებისთვის, სასამართლომ, მერიის მიმართვის საფუძველზე, 500-ლარიანი საჯარიმო ქვითარი გამოუწერა. მაშინ სამოქალაქო აქტივისტებმა, ჯარიმა თეთრ ხიდზე დაზიანებული მინის გამო, გამაფრთხილებელი სტიკერების გაკვრისთვის მიიღეს.