ისრაელი, პოლონეთი, ავსტრია, ინგლისი - ეს იმ ქვეყნების ჩამონათავლია, რომლის წამყვან უნივერსიტეტებში სამოქალაქო განათლების ლექტორი თინათინ მეფარიშვილი წლების განმავლობაში ევროპული განათლებს სიკეთეებს გაეცნო.

თინათინ მეფარიშვილი გაცვლითი პროგრამის ფარგლებში პირველად, 2018 წელს ისრაელში წამყვან უნივერსიტეტს ეწვია. ამბობს, რომ იქ ნანახმა და არსებულმა ვითარებამ მოლოდინს გაადაჭარბა.  ლექტორი გვიყვება, რომ მისი განსაკუთრებული ყურადღება მიიპყრო დამოკიდებულებამ თანამშრომლებს შორის, ლექტორსა და სტუდენტებს შორის. ისრაელის შემდეგ იყო ავსტრია ინგლისი, პოლონეთი.



"ავსტრიაში ჩემი ვიზიტი ძალიან ღირებული და წარმატებული აღმოჩნდა. მაგალითად, იქ შევხვდი უნივერსიტეტებში (Pädagogische Hochschule OÖ) დანერგილ სწავლების ვეიკ მეთოდოლოგიის ავტორს, ავსტრიელ პროფესორს. მან ნათლად აგვიხნა, რომ ეს მეთოდოლგია ითვალისწინებს ცოდნაზე და ღირებულებაზე დაფუძნებულ სწავლებას, რომელიც დღესდღეობით მე გამოყენებული მაქვს ჩემს საგანში და ამ მეთოდოლგიით მივყვებით სწავლებას", - განმარტავს ქუთაისის უნივერსიტეტის ლექტორი, თინათინ მეფარიშვილი.
მისი თქმით, ევროპის წამყვან უნივერსიტეტებში განსაკუთრებული ყურადღება ექცევა პრაქტიკას, ვორქშოფებს.

ლექტორის თქმით, ევროპული განათლება არის კრიტიკული აზროვნების უნარი, რომელიც ძალიან მნიშვნელოვანია არა მხოლოდ სტუდენტის ან ლექტორისთვის, არამედ, ზოგადად, ცხოვრებაში.



თინათინ მეფარიშვილი ევროპის ქვეყენების უნივერსიტეტებში გაცვლითი პროგრამით CURE-ს პროექტის ფარგლეში მოხვდა.
CURE აძლიერებს აკადემიური განათლების ხარისხს მასწავლებელთა მომზადებისთვის პარტნიორ ქვეყნებში და მის ფარგლებს გარეთ, სამოქალაქო განათლების კურიკულარული რეფორმის შემუშავების, განვითარების, პილოტირების, გავრცელებისა და გამოყენების გზით.

თინათინ მეფარიშვილი ამბობს, რომ გამოცდილებიდან გამომდინარე, ნათელია, თუ რატომ არის საზოგადოების მისწრაფება ევროპისკენ ასეთი ჯიუტი და აღნიშნავს, რომ ასეც უნდა იყოს.

„ევროპული განათლება ნამდვილად ღირსეული განათლებაა და ჩვენი გზა ნამდვილად ევროპისენ უნდა მიდიოდეს. ზოგადად, განათლებას დიდი მნიშვნელობა აქვს საზოგადოების განვითარებაში და ცხოვრებაში. ღირსეული განათლება საწინადრია ღირსეული ცხოვრების“, - ამბობს ლექტორი.