„სასწავლებელში წასვლა მიხაროდა“, - პირველი ეს ემოცია აქვს ქუთაისელ სტუდენტ დაჩი კობახიძეს, ევროპაში სტუდენტური ცხოვრების შესახებ საუბრის დაწყებისას.

დაჩი ქუთაისის უნივერსიტეტის ბიზნესისა და სამართლის ფაკულტეტის ბიზნეს ადმინისტრირების საბაკალავრო პროგრამის მეოთხე კურსის სტუდენტია. გვიყვება, რომ ბავშვობაში ვერც კი წარმოიდგენდა, თუკი ევროპის ერთ-ერთ წამყვან სასწავალებელში, ტალინის ტექნოლოგიურ უნივერისტეტში მოხვდებოდა.


„სკოლის პერიოდში ვერც კი წარმომედგინა თუკი უცხოეთში, რომელიმე სასწავლებში ვისწავლიდი“, - აღნიშნავს ქუთაისელი სტუდენტი.

დაჩი ტალინის სასწავლებელში ერაზმუს + მობილობის პროგრამით მოხვდა, რომელშიც მონაწილეობის მისაღებად კონკურსი ქუთაისის უნივერსიტეტმა გამოაცხადა. გაიმარჯვა და ევროპის უმაღლეს სასწაველებში 2023 წელს გაემგზავრა. მან ტალინის ტექნოლოგიურ უნივერსიტეტში 6 თვე ისწავლა. ამბობს, რომ ევროპაში სწავლა სახალისო, საინტერესო და ადამიანურ ურთიერთობაზე არის აგებული. დაჩის თქმით, ევროპაში მიღებული განათლება ძალიან ღირებული და სასარგებლო აღმოჩნდა მისთვის. ქუთაისში ჩამოსვლის შემდეგ, მან სტუდენტური კლუბი ჩამოაყალიბა, რომელიც რამდენიმე სასწავლებლის სტუდენტს აერთიანებს.

„ამ ყველაფერის ფარგლებში ჩვენ ვთანამშრომლობთ ევროპის წამყვანი უნივერსიტეტის სტუდენტებთან, როგორიცაა ბარსელონის , ესტონეთის და პორტუგალიის უნივერსიტეტი“, - განმარტავს სტუდენტი.

ამბობს, რომ ევროპაში 6 თვეში მიღებული გამოცდილება, ახლი უნარები, საკუთარ თავთან მუშაობა, სამომავლოდ პრიორიტეტების ეფქტურად განსაზღვრაში მეტად დაეხმარება.
“იქ ყოფნით დავასკვენი, რომ [ევროპაში] ზრუნავენ ადამიანებზე და მათ კეთილდღეობაზე. ევროპული განათლება ნიშნავს, განვითარდე ბევრი მიმართულებით”, - აბობს დაჩი კობახიძე.



ტალინის ტექნოლოგიური უნივერსიტეტი 102 წლისაა და ის მსოფლიოს უნივერსიტეტების საუკეთესო 2.5%-ს შორისაა.

გარდა იმისა, რომ “ტალტეკი” ტექნოლოგიური და ინჟინრული გადაწყვეტითაა ცნობილი (მათ შორის, 5G ინტერნეტითა და უპილოტო ავტომობილებით), თანამშრომლობს 500 უნივერსიტეტთან, აერთიანებს 10 300 სტუდენტსა და 1800-ზე მეტ თანამშრომელს და 1700-ზე მეტ საერთაშორისო სტუდენტს, 100 ქვეყნიდან.

International Student Barometer (ISB)-ის ბოლო მონაცემებით, “ტალტეკს”, სტუდენტების შეფასებით, ევროპის 48 უნივერსიტეტს შორის, ერთ-ერთი უმაღლესი მაჩვენებელი აქვს – კურსდამთავრებულთა 82% ამბობს, რომ “ტალტეკს” სხვებსაც ურჩევდა – ევროპის სხვა უნივერსიტეტებში ეს ნიშნული 78-79%-ია.



"ტალტეკს” აქვს გამორჩეული დიზაინისა და ეკიპირების კამპუსი და ბიბლიოთეკა.

ერთ კამპუსში გაერთიანებულია სამეცნიერო პარკი, 150 მაღალტექნოლოგიური კომპანიით, სტარტაპ ინკუბატორი, სტარტაპის პრე-ინკუბატორის პროგრამა, ტარდება სტარტაპ-კონკურსები, კვლევები, სტაჟირება. აქტიური თანამშრომლობა მიმდინარეობს Microsoft-თან, Google-თან, IBM-თან, Samsung-თან და სხვა გლობალურ ბრენდებთან. ტექნოლოგიური მიმართულების გარდა, “ტალტეკში” ესტონეთის უდიდესი ბიზნეს სკოლა ფუნქციონირებს, რომელიც ერთ სივრცეში ბიზნესის, ტექნოლოგიებისა და სამართლის საგანმანათლებლო პროგრამებს აერთიანებს.