ერთიანი ეროვნული გამოცდები დღეს, 26 ივლისს, ფიზიკის გამოცდით დასრულდება. 
გამოცდაზე 700-მდე აბიტურიენტია დარეგისტრირებული. 

ხვალიდან კი  (27-28 ივლისს) მაგისტრანტობის კანდიდატები საერთო სამაგისტრო გამოცდას ჩააბარებენ. 2023 წლის გამოცდები ამით დამთავრდება, აგვისტოს პირველი ნახევრიდან კი სხვადასხვა საგანში პირველადი შედეგების გამოცხადება ეტაპობრივად დაიწყება. 

წელს, მთელი ქვეყნის მასშტაბით, 24 საგამოცდო ცენტრი ფუნქციონირებს – საგამოცდო პროცესი ერთდროულად მიმდინარეობს თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, ამბროლაურში, თელავსა და ხულოში.

საგამოცდო ცენტრები 2023 წელს ჯამში 75 000-ზე მეტ გამოსაცდელს – აბიტურიენტებს, სტუდენტთა საგრანტო კონკურსში მონაწილეებს, მაგისტრანტობის კანდიდატებს, მასწავლებლობისა და პედაგოგის სტატუსის ამაღლების მსურველებს მიიღებენ.