ქუთაისის საჯარო სკოლები წელს 2 791 პირველკლასელს მიიღებს.

ქალაქის საგანმანათლებლო რესურსცენტრის ხელმძღვანელის, მაია ცქიტიშვილის განმარტებით, ტრადიციულად ყველა პირველკლასელი წიგნები და კომპიუტერები გადაეცემა.

"მიღებული გვაქვს პირველკლასელთა კომპიუტერები, წიგნებიც და ყველა მიიღებს განახლებულ სახელმძღვანელოებს."

კორონავიურსის პრევენციის მიზნით, მოსწავლეთა კლასში განთავსება ერთ მეტრიანი დისტანციით უნდა მოხდეს. რესურსცენტრში აცხადებენ, რომ დისტანციის დაცვა ზოგ სკოლაში ოთახებში მოსწავლეთა რაოდენობის შემცირების ხარჯზე მოხდება.

კორონავირუსის პრევენციის მიზნით, ჰიგიენური საშუალებების შესაძენად დაფინანსება ქუთაისში 8 სკოლას გაეზრდება. საგანმანათლებლო რესურსცენტრის ხელმძღვანელის განცხადებით, დანარჩენი სკოლებისათვის ყველა საჭირო ინვენტარი შეძენილია.

სკოლებში სასწავლო პროცესი 15 სექტემბერს განახლდება. 

ქუთაისში სულ 38 საჯარო სკოლაა.


ავტორი: ანა ჯიქია