ახალი ამბები
საქართველოში კოვიდსაწინააღმდეგო ვაქცინით 22 090 ადამიანი აიცრა
16:20 / 13.04.2021
დაავადებათა კონტროლის ეროვნული ცენტრის
მონაცემებით, საქართველოში კოვიდსაწინააღმდეგო აცრა 22 090 ადამიანმა
გაიკეთა.
ჯანდაცვის სამინისტროში განმარტავენ, რომ
ვაქცინაციის პროცესი მზარდია, თუმცა, აღნიშნავენ, რომ არსებული
აქტივობა გასაზრდელია.
„ვაქცინაციაზე მიმართვიანობა იზრდება. ჩვენი პროგრამა ძალიან
რთულად დაიწყო და გარკვეული დრო დასჭირდა, რომ ტრაგიკული ეპიზოდის
შემდეგ ვაქცინაციისადმი ნდობა აღდგენილიყო. ვაქცინაციაში ჩართული
პირების რაოდენობა ყოველდღიურად მზარდია. განსაკუთრებით თბილისში,
სადაც აქტივობის 70% მოდის.
რეგიონებში აქტივობა გასაზრდელია,
მაგრამ მოქალაქეების ყოველდღიურად მზარდი რაოდენობა მიუთითებს იმაზე,
რომ ვაქცინაციის პროგრამა იმ ჯგუფებში, სადაც ტარდება, ნამდვილად
მიზნობრივია და ამ მიმართულებით მუშაობა უნდა გავაგრძელოთ“,
- ამბობს ჯანდაცვის მინისტრის მოადგილე თამარ
გაბუნია.
მისი თქმით, ქვეყანას საკმარისი რაოდენობის
ვაქცინა აქვს, თუმცა გარკვეული შეფერხებები ამ მიმართულებით
არსებობს.
"AstraZeneca-ს ვაქცინა საკმარისი რაოდენობით გვაქვს. გარკვეული შეფერხებები იქმნება იმის გამო, რომ იმ სამედიცინო დაწესებულებებში, სადაც ვაქცინაცია ტარდება, ადგილები ლიმიტირებულია.
"AstraZeneca-ს ვაქცინა საკმარისი რაოდენობით გვაქვს. გარკვეული შეფერხებები იქმნება იმის გამო, რომ იმ სამედიცინო დაწესებულებებში, სადაც ვაქცინაცია ტარდება, ადგილები ლიმიტირებულია.
ყოველდღიურად ემატება ახალი ჰოსპიტლები ახალი
ბრიგადებით. გუშინ საღამოს რესპუბლიკური საავადმყოფოს ტერიტორიაზე 6
ბრიგადა დაემატა და ასევე რამდენიმე საავადმყოფო კვირის ბოლომდე
პროგრამაში ჩასართავად ემზადება. დღეს დილიდან გაჩნდა რეგისტრაციის
შესაძლებლობა და 15 აპრილიდან ყველას შეუძლია დარეგისტრირდეს“, -
ამბობს თამარ გაბუნია.
საქართველოში კოვიდვაქცინაცია 15 მარტიდან
დაიწყო.
პირველ ეტაპზე იმუნიზაციის პროცესში
მედეპერსონალი უნდა ჩართულიყო, თუმცა, დაბალი აქტივობის გამო, 65 +
ასაკის ადამიანებისთვისაც გახდა აცრა ხელიმისაწვდომი. დღეის
მდგომარეობით აცრა შეუძლიათ: ჯანდაცვის მუშაკებს, 55 წლის და უფროს
ადამიანებს, დიალიზზე მყოფ და ორგანო გადანერგილ
პაციენტებსაც.
მსგავსი სიახლეები
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
15:01 / 22.11.2024
პირველი დეკემბრიდან პირველ მარტამდე, გზის ცალკეულ მონაკვეთებზე
სატრანსპორტო საშუალების ზამთრის საბურავებით მოძრაობა სავალდებულოა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები