ქუთაისიპოსტი

საქართველოში covid-19-ის 14 ახალი შემთხვევა გამოვლინდა. 
ინფიცირებულთა რაოდენობა ჯამში 1 131-ს შეადგენს. 

გამოჯანმრთელდა სამი. გამოჯანმრთელებულთა რიცხვი ჯამში 920-ია.

გარდაიცვალა 16 პაციენტი.

კარანტინის რეჟიმში 6 183 მოქალაქე იმყოფება, სტაციონარში მეთვალყურეობის ქვეშ - 302.

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.