პანდემიის გამო, ქუთაისის მოხუცთა თავშესაფარი უსაფრთხოების დაცვისა და პრევენციის მიზნით კარანტინის რეჟიმზეა გადასული.
პანსიონატში მისვლა მნახველებსა თუ გარეშე პირებს ეკრძალებათ. შენობის დატოვება დაუშვებელია პანსიონატის ბენეფიციარებისთვისაც.
"კარანტინის რეჟიმში ვართ
შექმნილი სიტუაციის გამო. მოხუცები გაგებით მოეკიდნენ, ყველას
გაცნობიერებული აქვს რა პრობლემის წინაშეც ვდგავართ. გარეთ არ გადის
არავინ. ერთადერთი ვუშვებთ სასწრაფოს", - ამბობს პანსიონატის
დირექტორი მალხაზ ბადირეიშვილი.
ქვეყანაში საგანგებო მდგომარეობის გამიცხადებამდე დაახლოებით ერთი
კვირით ადრე. კორონავირუსის გავრცელების თავიდან აცილებასთან
დაკსვშირებით, გასატარებელი ღონისძიებების შესახებ, მივიღეთ ბრძანება,
მთელი რიგი რეკომენდაციებით.“ აღნიშნა თავშესაფრის
დირექტორმა.
პანსიონატის დირექტორის
ინფორმაციით, შენობას დეზინფექცია ჩაუტარდა.
სპეციალური ჯგუფი იყო ჩამოსული და შეიწამლა
შენობა. სამინისტროდან გამოგვიგზავნეს სადეზინფექციო საშულებები და
ყოველღიურად ხდება დამუშავება. თანამშრომლებიც აღჭურვილია, პირბადით
და ამ ფორმით ურთიერთობენ ბენეფიციარებთან",- აღნიშნავს მალხაზ
ბადირეიშვილი
პანსიონში მცხოვრები მოხუცები ემორჩილებიან საკარანტინე
პირობებს.პანსიონატის ბენეფიციარის ნინო ბურჭულაძის თქმით
მბიშვნელოვანია მოწოდების “დარჩი სახლში“ პასუხისმგებლობით
მიღება.
"ძალიან სავალალო მდგომარეობაა მთელ მსოფლიოში, თუმცა ერთად თუ
ვიდგებით ყველაფერი კარგად იქნება. მოვიშველოოთ ცოტა ოპტიმიზმი, ცოტა
იუმორი, უკუვაგდოთ შიში და პანიკა. ჩავუღმავდეთ ჩვენს მდგომარეობას
ბრძნულად და ყველაფერი კარგად იქნება. როგორც გვთხოვენ ექიმები და
ზემდგომები, დავრჩეთ სახლში, ძალიან ცუდია, რომ ჯერჯერობით არ
არსებობს ხალხის დახმარების მედიკამენტური საშულება მაგრამ არაუშავს
ბევრისთვის გაუძლია საქართველოს, ამასაც მოვერევით. უფალი ჩვენთანაა.
არ გაგვწირავს, ვიქონიოთ უფლის იმედი, მაგრამ ჩვენც შევუწყოთ ხელი
ადამიანური სიბრძნით და ყველაფერი კარგად იქნება", – აღნიშნავს
პანსიონატის ბენეფიციარი ნინო ბურჭულაძე.
ქუთაისის მოხუცთა პანსიონატი 95 ბენეფიციარზეა გათვლილი. ამჟამად იქ
90 ხანდაზმული იმყოფება. დაწესებულება სამ სართულს იკავებს.
ხანდაზმულებს ოცდაოთხსაათიან რეჟიმში 60 თანამშრომელი ემსახურება -
მომვლელები, მზარეულები, ექთნები.და
დაწესებულება საქართველოს ჯანდაცვის სამინისტროს
დაქვემდებარებაშია.
მასალის გამოყენების პირობები