ევროპული, ეს არის ახალგაზრდების კარგი განათლება და ღირსეული  ცხოვრება - ამბობს აკაკი წერეთლის უნივერსიტეტის ინგლისური ფილოლოგიის დეპარტამენტის ასოცირებული პროფესორი, თამარ კობეშავიძე.

ლექტორი ევროპული განათლების სიკეთეებს პორტუგალიაში, ევორას უნივერსიტეტში ყოფნის დროს გაეცნო, სადაც გარკვეული დრო დაჰყო.

ევროპის უნივერსიტეში მოსახვედრად, წერეთლის უნივერსიტეტის ლექტორმა, 2023 წელს, ევროკავსირის მიერ დაფინანსებული ერაზმუს + პროგრამის ფარგლებში, მოიგო გრანტი აკადემიური პერსონალისთვის.

„გამართლებაა ის, რომ მოვხდი პორტუგალიის უძველეს ქალაქში, სადაც სასწავლებლის შენობაც არის უნიკალური", - აღნიშნავს თამარ კობეშავიძე.

ასოცირებული პროფესორი ამბობს, რომ უმაღლეს სასწავლებლებში გაცვლითი პროგრამები სასიცოცხლოდ მნიშვნელოვანია, როგორც უშუალოდ ლექტორებისთვის, ასევე, სტუდენტებისთვის.

აკაკი წერეთლის უნივერსიტეტის ასოცირებული პროფესორი თამარ კობეშავიძე მიუთითებს ევროკავშირის მიერ დაფინანსებული გაცვლითი პროგრამების მნიშვნელობაზე.

"ასეთი ტიპის პროექტები ხელს უწყობს სასწავლო პროგრამებისა და საგნის სილაბუსების განახლებას; ახალი კონტაქტების დამყარებასა და პროფესიული ქსელის გაფართოებას, ახალი ერთობლივი კურსების შექმნას. ყველაფერი ეს მიზნად ისახავს, საქართველოს უნივერსიტეტების პროგრამების ინტერნაციონალიზაციასა და ევროპულ უნივერსიტეტებთან ინტეგრაციას",  - ამბობს თამარ კობეშავიძე.

მისივე თქმით, ევროპული განათლება სტუდენტებსაც მისცემს მოტივაციას, რომ მიღეული ცოდნა გამოიყენოთ თავიანთი ქვეყნის სასიკეთოდ.