ინტერნეტი და კომპიუტერი 21-ე საუკუნის ადამიანის ყოველდღიურობის განუყოფელი ნაწილია.
პანდემიამ ეს ურთიერთობა კიდევ უფრო ინტენსიური გახადა, მითუმეტეს ბავშვებში, -ონლაინსწავლებამ ბავშვებს კომპიუტერთან დიდხანს ყოფნის „ლეგიტიმუტრი “ უფლება მისცა.
რა პრობლემები შეიძლება გამოიწვიოს კომპიუტერთან ხშირმა ჯდომამ და კონკრეტულად, რა ზიანს უქმნის კომპიუტერი მხედველობას?
ზიანი გამოიხატება მხედველობის გადაღლით, გამოსახულების გაორებით. ქავილით და ე.წ. სილის შეგრძნებით.
„როდესაც ადამიანი კომპიუტერთან ზის ახლო მანძილზე, უხეშად რომ ვთქვათ „ტვინს ავიწყდება“ თვალის დახამხამება. დახამხამების არქონის გამო ხდება თვალის ზედაპირის გამოშრობა. ზედაპირის გამოშრობას კი შეუძლია გამოიწვიოს ბევრი პრობლემა მაგალითად როგორიცაა კონიუქტივის სიმშრალე, რქოვანის ქსეროზი“, - ამბობს ოფთალმოლოგი ოთარ დეკანოიძე, საერთაშორისო სამედიცინო ცენტრი.
თვალი მიჩვეულია ბინოკულარულ, სხვანაირად რომ ვთქვათ, ორივე თვალით მხედველობას, როდესაც მარჯვენა და მარცხენა თვალის ბადურაზე მიღებულ გამოსახულებებს ისე აღვიქვამთ, როგორც ერთ მთლიან გამოსახულებას..
გარესამყაროს ადამიანი აღიქვამს სივრცეში. მაგრამ როდესაც მონიტორს უყურებს გამოსახულება ბრტყელია, რაც თვალს დამატებით დაძაბულობას უქმნის.
მნიშვნელობა ენიჭება გარემოს, განათებას როგორ არის მონიტორი დახრილი, მიჩნეულია, რომ 10-15 გრადუსი უნდა იყოს დახრა, ეკრანის პირდაპირი გამოსცხივება რომ არ მოდიოდეს თვალში.
რით შეიძლება დავეხმაროთ მხედველობას?
ექიმის რეკომენდაციით მნიშვნელოვანია ზომიერება კომპიუტერთან ურთიერთობისას. კერძოდ,
6 წლამდე ბავშვებში კომპიუტერთან ურთიერთობა 15 წუთიდან ნახევარ საათამდე შეიძლება ისე რომ მონიტორმა მათზე მავნე ზეგავლენა არ იქონიოს.
7-8 წლის ბავშვებში რეკომენდებულია - ნახევარი საათიდან 40 წუთამდე
8 -დან 15 წლამდე მოზარდებში - ერთი საათიდან საათნახევრამდე.
15 წლიდან ზემოთ დასაშვებია 2-დან 2,5 საათემდე დრო.
მაგრამ რადგან ამ რეკომენდაციების დაცვა ყოველთვის ვერ ხერხდება, განსაკუთრებით საოფისე სამუშაოს პირობებში,
ამიტომ ნახევარი საათის შემდეგ ორი წუთით თვალების დახუჭვა ან ხედვის გადატანა თვალს შვებას მიანიჭებს.
სასურველია A,B,C ვიტამინების მიღება, რომელიც მხედველობასაც ეხმარება.
სასურველია ყოველ ნახევარ საათში ადგომა და მცირე ხნით მონიტორიდან თვალის მოშორება. გასეირნება ოფისში ან სუფთა ჰაერზე.
მასალის გამოყენების პირობები