ქუთაისში ამომრჩეველთა მაღალი აქტივობაა. საარჩევნო უბნებთან დილიდან რიგებია. მიუხედავად ძლიერი წვიმისა, ამომრჩევლები საკუთარი არჩევანის დასაფიქსირებლად დილიდან მიდიან.

ქუთაისში სულ 152 506 ამომრჩეველია რეგისტრირებული.

26 ოქტომბრის საპარლამენტო არჩევნებისთვის, ამომრჩეველთა საერთო რაოდენობა 3 508 294-ს შეადგენს, ამომრჩევლებს, საერთო ჯამში, 3 111 საარჩევნო უბანი მოემსახურება.

საარჩევნო პროცესს დააკვირდება 76 საერთაშორისო ორგანიზაციის 1700-ზე მეტი დამკვირვებელი, 111 ადგილობრივი ორგანიზაციის 23 000-ზე მეტი დამკვირვებელი, ასევე პროცესს გააშუქებს 199 მედია ორგანიზაციის 2800-ზე მეტი წარმომადგენელი.