ქუთაისში, ასსაფეხურიან კიბეებთან სადაც დღეს, იმერეთის მუნიციპალიტეტების მერობის კანდიდტების წარდგენა მოხდება, გზა გადაკეტილია. ტერიტორიას საპატრულო პოლიცია აკონტროლებს. ამ დროისთვის სცენის მონტაჟი მიმდინარეობს.  
დღეს პრემიერ-მინისტრი, გიორგი კვირიკაშვილი პარტია "ქართული ოცნების" კანდიდატებს პირადად წარადგენს.

ცერემონია ქუთაისში 17:00 საათზეა დაგეგმილი, სადაც პრემიერი მერობის კანდიდატებს იმერეთის 12-ივე მუნიციპალიტეტში დაასახელებს.

პრეზენტაციას პრემიერ-მინისტრთან ერთად დაესწრება ვიცე-პრემიერი კახა კალაძე.

"ქართული ოცნების" მერობის კანდიდატად ქუთაისში ვიცე-გუბერნატორი, გიორგი ჭიღვარია მოიაზრება.

კანდიდატების ოფიციალურ წარდგენამდე კი ერთსაათიანი კონცერტია დაგეგმილი, სადაც მონაწილეობას მიიღებენ ქართული ესტრადის მომღერლები.

"ბალახვანში" ასსაფეხურიან კიბეების მიმდებარე ტერიტორია დილით, ქუთაისის მერიის დაქვედებარებაში არსებულმა ააიპ " სპეციალური სერვისების" წარმოამდგენლებმაც დაასუფთავეს.




ამავე თემაზე:

"ქართული ოცნება" იმერეთის მუნიციპალიტეტების მერობის კანდიდატებს ქუთაისში 2 სექტემბერს წარადგენს