პარტია "თავისუფალი საქართველოს" იმერეთის ორგანიზაციის ხელმძღვანელმა, გოგი წულაიმ ქუთაისში, თაბუკაშვიულის ქუჩაზე ბრიფინგი გამართა.

მისი თქმით, თაბუკაშვილის ქუჩაზე წყლის სისტემის რეაბილიტაციის განახლებული სამუშაოები ადგილობრივ მოსახლეობას პრობლემებს უქმნის.

"უკვე 2 წელია თხრიან ამ ქუჩას. ახლა მეხუთედ გადათხარე. როდემდე შეიძლება ასე გაგრძელება. 2 წელია ხალხი წყალს ელოდება და ესენი ისევ თავიდან თხრიან ქუჩებს," - განაცხადა გოგი წულაიამ.

ქუთაისში წყლის სისტემის სარეაბილატაციო სამუშაოებს "გაერთიანებული წყალმომარაგების კომპანიის" ქვეკონტრაქტორი SMK ახორციელებს.

კომპანიაში თაბუკაშვილის ქუჩაზე მიმდინარე სამუშაოების შესახებ კომენტარს არ აკეთებენ.