აკაკი წერეთლის სახელმწიფო უნივერსიტეტში კარიერის დღე  გაიმართა.

შეხვედრაზე სასწავლებლის სტუდენტებს შესაძლებოლობა ჰქონდათ პოტენციური დამსაქმებლების შეთავაზებებს გაცნობოდნენ.

"ეს არის კარგი პრაქტიკა, უნივერსიტეტის სტუდენტებისთვის, მათ აქვთ შანსი ისწავლონ და ამასთანავე იპოვონ სამსახური," - განაცხადა პრაღის უნივერსიტეტის წარმოანდგენელმა, ალექსანდერ კარდაკოვმა.

შეხვედრა წერეთლის უნივერსიტეტის ბიზნესის, ეკონომიკის, ტურიზმისა და აგრარული ფაკულტეტის სტუდენტებისთვის ჩატარდა.

"მიხარია, რომ უნივერსიტეტი გვაძლევს შანსს დავსაქმდეთ, კარგი იქნება თუ მომავალში ყველა ფაკულტეტს მოიცავს," - განაცხადა წერეთლის უნივერსიტეტის სტუდენტმა.

ღია კარის დღეზე სტუდენტები 30 - მდე ბიზნესოპერატოს შეხვდნენ და გაესაუბრნენ.

"დღეს ჩვენ წარმოვადგენთ სოფლის მეურნეობის ნაწარმს. გვინდა სტუდენტებს ვანახოთ რამდენად საინტერესოა ეს სფერო და ვეცდებით მათი დაინტერესების შემთხვევაში ისინი დავასაქმოთ, " - განაცხადა "შპს ადინას" წარმოების ხელმძღავენლმა, ნატო ცქიტიშვილმა.

ღია კარის დღე წერეთლის და პრაღის სიცოცხლის შემსწავლელ მეცნიერებთა უნივერსიტეტის თანამშრომლობით მეორე წელია ხორციელდება.

პროექტს ჩეხეთის მთავრობა აფინანსებს.