გარემოს ეროვნული სააგენტოს ჰიდრომეტეოროლოგიური დეპარტამენტის ცნობით, საქართველოში ცივი და დროგამოშვებით ნალექიანი ამინდი მიმდინარე წლის 9 დეკემბრამდე შენარჩუნდება.

უწყების ინფორმაციით, ჰაერის ტემპერატურა დღის საათებში 0, +5° იქნება, ღამის საათებში დაბლობსა და ბარში კი -4, -7° - მდე დაეცემა. მაღალმთიან რაიონებში შესაძლებელია ქარბუქი.

გარემოს ეროვნული სააგენტოს ცნობით, 9 დეკემბერს გამოიდარებს.10 – 11 დეკემბერს ნალექიანი ამინდი მოსალოდნელია საქართველოს ზოგიერთ რაიონში. ჰაერის ტემპერატურა მოიმატებს და +5, +10° იქნება.