საპარლამენტო არჩევნებში ხმის მიცემის პროცედურა 20:00 საათზე დასრულდა.

ქუთაისში გახსნილი საარჩევნო უბნები ამ დროისთვის დახურულია.

ამომრჩეველს ხმის მიცემის უფლება კანონმდებლობით 8 საათამდე ჰქონდა.

ქუთაისში სულ 129 საარჩევნო უბანი ფუნქციონირებდა და ამომრჩეველთა საერთო რაოდენობა 161 709 შეადგენს.

8 ოქტომბრის არჩევნებისთვის მთელი ქვეყნის მასშტაბით – 3 645 საარჩევნო უბანი, ხოლო საზღვარგარეთ 40 ქვეყანაში 55 საარჩევნო უბანი ფუნქციონირებდა.

ამასთან, "საარჩევნო კოდექსის" გათვალისწინებით, 8 საათის შემდეგ ხმის მიცემა რიგში მდგომ ამომრჩევლებს შეუძლიათ, რისთვისაც საუბნო საარჩევნო კომისიის თავმჯდომარის დავალებით კომისიის ერთ-ერთი წევრი აღრიცხავს რიგში მდგომ ამომრჩეველთა გვარებსა და სახელებს, მათ რაოდენობას აცნობებს საუბნო საარჩევნო კომისიის თავმჯდომარეს, ხოლო კომისიის მდივანი ჩანაწერთა წიგნში აღნიშნავს რიგში მდგომ ამომრჩეველთა რაოდენობას.