ახალი ამბები
5 საათისთვის ამომრჩეველთა აქტივობა ქუთაისში 34,08%–ია
FaceBook
ქუთაისი #59 საოლქო საარჩევნო კომისია ამომრჩეველთა აქტივობის 17 საათიან მონაცემებს ავრცელებს.

კომისიის თავმჯდომარის, ავთანდილ ოსეფაიშვილის განცხადებით, ამ დროისთვის არჩევნებში მონაწილეობა 55 117–მა ამომრჩეველმა მიიღო, რაც საერთო რაოდენობის 34,08% შეადგენს.

"ამომრჩეველთა კარგი აქტივობა იყო, თუმცა 3 საათიდან ოდნავ შენელდა. იმედი მაქვს 8 საათისთვის მოიმატებს აქტივობა," – განმარტავს ავთანდილ ოსეფაიშვილი.

მისივე თქმით, 2012 წლის საპარლამენტო არჩევნების დღეს 15 საათისთვის ამომრჩეველთა აქტივობა 76%–ს შეადგენდა.

რაც შეეხება საჩივრებს, ქუთაისის #59 საოლქო საარჩევნო კომისიის თავმჯდომარის ინფორმაციით, მათი რაოდენობა ამ დროისთვის 24–მდე გაიზარდა და ძირითადად, პროცედურული საკითხების დარღვევებს შეეხება.


Print