ორგანიზაციამ JPM Strategic Solutions კვლევა ჩაატარა, რომელიც ტელეკომპანია "იმედმა" გაასაჯაროვა.

კითხვაზე, ხვალ რომ საპარლამენტო არჩევნები იყოს, გამოკითხულთა 32%-მა ქართულ ოცნებას, ხოლო 16%-მა ნაციონალურ მოძრაობას დაუჭერდა მხარს.

ამავე კვლევის მიხედვით, "თავისუფალ დემოკრატებსა" და "ლეიბორისტულ პარტიას" 4- 4% ერგო.

პაატა ბურჭულაძის მოძრაობას "სახელმწიფო ხალხისთვის" რესპონდენტთა 3%-მა მისცა ხმა, ხოლო "პატრიოტთა ალიანსსა" და "დემოკრატიულ მოძრაობას"-2-2%-მა.

კვლევის თანახმად, გადაწყვეტილება ჯერ მიღებული არა აქვს და პასუხზე უარი განაცხადა გამოკითხულთა 34%-მა.

JPM-მა ინტერვიუს სახით 1 200 ამომრჩეველი გამოკითხა. ცდომილების ზღვარი 2,8%-ს შეადგენს.