გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, არამდგრადი და ცივი ამინდია მოსალოდნელი.

მისივე ინფორმაციით, 7 აპრილი, უმეტესად, უნალექოდ ჩაივლის. ჰაერის ტემპერატურა, დაბლობ რაიონებში, 22-24 გრადუსი დაფიქსირდება.

"8 აპრილს, დღის მეორე ნახევრიდან, შემოდის ცივი ჰაერის მასები. 10 აპრილის ჩათვლით მოსალოდნელია ტემპერატურის დაკლება 10-11 გრადუსამდე და წვიმა, მაღალმთაში - თოვლჭყაპი. გაძლიერდება დასავლეთის მიმართულების ქარი",- განმარტავს დოდო გვაზავა.

მისივე ინფორმაციით, 11 აპრილს ნალექის ინტენსივობა შედარებით შესუსტდება.