სამტრედია-ლანჩხუთი-გრიგოლეთის საავტომობილო გზაზე, დღეს, 1 აპრილს, 8:00სთ-დან 19:00სთ-მდე მოძრაობა შეიზღუდება.

გზების დეპარტამენტის ინფორმაციით, აღნიშნულ პერიოდში, ავტოტრანსპორტის მოძრაობა ეტაპობრივად შეიზღუდება გზის ჯერ ერთ, ხოლო შემდეგ მეორე სამოძრაო ზოლზე.

მოძრაობის შეზღუდვის მიზეზი, სამტრედია-ლანჩხუთი-გრიგოლეთის საავტომობილო გზის მე-5 კმ-ზე მონაკვეთზე, დაზიანებული სავალი ნაწილის შეკეთების სამუშაოებია.