გარემოს ეროვნული სააგენტოს ინფორმაციით, უახლოეს დღეებში, საქართველოში, თბილი და უნალექო ამინდი იქნება შენარჩუნებული.
კერძოდ, დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ჰაერის ტემპერატურა დღისით +27, +29 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი) კი ჰაერი +24, +26 გრადუსამდე გათბება.

რაც შეეხება დასავლეთ საქართველოს მაღალმთიან რაიონებს (მესტია, ბახმარო), ჰაერის ტემპერატურა დღისით +19, +21 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი) ასევე თბილი და უნალექო ამინდი იქნება. ჰაერის ტემპერატურა დღისით +25, +27 გრადუსი იქნება.

რაც შეეხება აღმოსავლეთ საქართველოს რაიონებს, ჰაერის ტემპერატურა 22 გრადუსამდე გათბება.