გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას არამდგრადი ამინდია მოსალოდნელი.

კერძოდ, დღეს და ხვალ, 3-4 მარტს, უმეტეს რაიონში მოსალოდნელია ნალექი, რომელიც შესაძლოა, საღამოს საათებში თოვჭყაპში გადავიდეს. იქროლებს დასავლეთის მიმართულების ზომიერი ქარი. 

ჰაერის მაქსიმალური ტემპერატურა დაბლობ რაიონებში 4, 6 გრადუსი დაფიქსირდება, მთაში კი - 0, 2 გრადუსი. 

დოდო გვაზავას ინფორმაციით, 5-6 მარტს გამოიდარებს და შედარებით უნალექო ამინდი იქნება. მოიმატებს ჰაერის ტემპერატურაც 6-9 გრადუსამდე. ღამის საათებში კი ყინვაა მოსალოდნელი.

6 მარტს, დღის ბოლოდან, უმეტეს რაიონში კვლავ ნალექია მოსალოდნელი, მთაში თოვლის სახით. 

დოდო გვაზავას ინფორმაციით, ნალექიანი ამინდი 8 მარტის დღის პირველ ნახევრამდე გაგრძელდება.