გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, არამდგრადი ამინდია მოსალოდნელი.

მისივე ინფორმაციით, დღეს და ხვალ, 17-18 თებერვალს, მოსალოდნელია მცირე, ხანმოკლე ხასიათის წვიმა. ჰაერის ტემპერატურა 13-14 გრადუსი დაფიქსირდება.

"19 თებერვლიდან მთელი კვირის განმავლობაში მოსალოდნელია ცივი ჰაერის მასების შემოსვლა. დაბლობში იწვიმებს, მთიან რაიონებში კი - მოთოვს. დროგამოშვებით დასავლეთის მიმართულების ქარი გაძლიერდება. ღამისა და დღის მაქსიმალური ტემპერატურა ერთმანეთს გაუტოლდება",- განმარტავს დოდო გვაზავა.

მისივე ინფორმაციით, 21-22-23 თებერვალს, დაბლობ რაიონებში შესაძლოა ნალექი თოვლის სახით.