გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, მიმდინარე კვირას, ცივი და ნალექიანი ამინდია მოსალოდნელი. 


მისივე თქმით, დღეს, 3 თებერვალს, თბილი და უნალექო ამინდი შენარჩუნდება, ჰაერის მაქსიმალური ტემპერატურა 13-15 გრადუსი დაფიქსირდება. 

დოდო გვაზავას ინფორმაციით, 4 თებერვლიდან ჰაერის ტემპერატურა დაიკლებს, დაბლობ რაიონებში იწვიმებს, მაღალმთაში კი მოთოვს. 

მიმდინარე კვირაში ჰაერის მაქსიმალური ტემპერატურა 3-8 გრადუსია მოსალოდნელი.  7-8 თებერვალს კი ნალექის ინტენსივობა შესუსტდება და შედარებით გამოიდარებს.