ქუთაისელი დანიელ ბანძელაძე, მენტალურ მათემატიკაში, მსოფლიოს საუკეთესო სამეულის წევრი გახდა.

მენტალური არითმეტიკის საერთაშორისო კონკურსი ნიუ დელში, ინდოეთში მიმდინარეობდა.

პრესტიჟულ საერთაშორისო შეჯიბრსა და მსოფლიო თასზე, რომელიც UCMAS-ის მიერ იყო ორგანიზებული, საქართველოს სახელით, 7-დან 13 წლამდე ასაკის, 11-მა მოსწავლემ იასპარეზა.

UCMAS Georgia-ს სტუდენტებმა კონკურსზე მრავალი ჯილდო, მათ შორის მსოფლიოს ბრინჯაოს თასი მოიპოვეს.

საერთაშორისო შეჯიბრში, ჯამში, 80 ქვეყნის, 6,000-ზე მეტი მონაწილე იყო ჩართული.