გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, 11 დეკემბრის ჩათვლით უნალექო ამინდია მოსალოდნელი.

მისივე თქმით, ჰაერის მაქსიმალური ტემპერატურა დაბლობ რაიონებში 15-18 გრადუსი დაფიქსირდება, მთიანში 10-12 გრადუსი, მაღალმთიან რაიონებში კი 7-9 გრადუსი. 

დოდო გვაზავას ინფორმაციით, 10-11 დეკემბერს იქროლებს აღმოსავლეთის მიმართულების ქარი. 12-13 დეკემბერს დაბლობ რაიონებში გაწვიმდება, მთაში კი თოვლია მოსალოდნელი. დაიკლებს ჰაერის ტემპერატურაც. 

14 დეკემბრიდან დასავლეთ საქართველოში კვლავ გამოიდარებს და მოიმატებს ჰაერის ტემპერატურაც.