ახალი ამბები
იოსელიანის თქმით, იმ დროისთვის, როცა შინაგან საქმეთა სამინისტროს თანამშრომლებმა აქტივისტების დაკავება დაიწყეს, აქცია მშვიდობიანი იყო და ჯდებოდა შეკრების თავისუფლების სტანდარტებში.
"აქცია ატარებდა მშვიდობიან ხასიათს" - სახალხო დამცველი აქტივისტების დაკავებაზე
11:51 / 19.11.2024
სახალხო დამცველი ლევან იოსელიანი,
ერთი საათის წინ გამოეხმაურა დილის 8 საათზე აქციის მონაწილეების
დაკავებას.
იოსელიანის თქმით, იმ დროისთვის, როცა შინაგან საქმეთა სამინისტროს თანამშრომლებმა აქტივისტების დაკავება დაიწყეს, აქცია მშვიდობიანი იყო და ჯდებოდა შეკრების თავისუფლების სტანდარტებში.
"იმ დროისთვის, როდესაც შინაგან
საქმეთა სამინისტრომ დაიწყო მელიქიშვილის გამზირზე მყოფი
აქციის
მონაწილეების დაკავება, აქცია
ატარებდა მშვიდობიან ხასიათს და ჯდებოდა შეკრების თავისუფლების
სტანდარტებში. ამ დროს, მოქალაქეებზე პოლიციის მხრიდან შესაძლოა
ადგილი ჰქონდა არასათანადო მოპყრობას თუ ძალის
გადამეტების ფაქტებს", - ნათქვამია
სახალხო დამცველის აპარატის მიერ გავრცელებულ
განცხადებაში.
თბილისის სახელმწიფო უნივერსიტეტთან
უწყვეტი აქცია 17 ნოემბერს დაიწყო. აქტივისტებმა უკვე ორი ღამე
გაათენეს კარვებში. დღეს, დილის რვა საათზე, მელიქიშვილის გამზირზე
შინაგან საქმეთა სამინისტროს თანამშრომლებმა აქციის მონაწილეების
დაკავება ძალის გამოყენებით დაიწყეს. ამ დროისთვის უცნობია
დაკავებულთა ზუსტი რაოდენობა და მათი ადგილსამყოფელი. დაკავებულთა
შორის იყო ჟურნალისტი სერგი ბარამიძე, რომელიც ამ დროისთვის
თავისუფალია.
მასალის გამოყენების პირობები