გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დასავლეთ საქართველოში, დღეს, 18 ნოემბერს, უნალექო ამინდია მოსალოდნელი. 
ჰაერის მაქსიმალური ტემპერატურა 18-20 გრადუსი დაფიქსირდება. დღეს საღამოდან კი იწვიმეს და ნალექიანი ამინდი 19 ნოემბერს მთელი დღის განმავლობაში შენარჩუნდება. 

"19 ნოემბერს ჰაერის ტემპერატურა დაიკლებს 12-14 გრადუსამდე, მთაში კი დღის მეორე ნახევრიდან შესაძლებელია თოვა", -  განმარტავს დოდო გვაზავა.

მისივე ინფორმაციით, 20 ნოემბრიდან 23 ნოემბრის ჩათვლით გამოიდარებს და ჰაერის ტემპერატურა 20-დან 22 გრადუსამდე დათბება. 20-21 ნოემბერს იქროლებს აღმოსავლეთის მიმართულების ქარი.

დოდო გვაზავას თქმით, 24 ნოემბერს ქარი ჩადგება და მოსალოდნელია წვიმა.