გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას, ინფორმაციით, დასავლეთ საქართველოში, 4 ნოემბერს გრილი და უმეტესად უნალექო ამინდი შენარჩუნდება.
4 ნოემბრის საღამოს საათებიდან კი მოსალოდნელია ცივი ჰაერის მასების შემოჭრა და ჰაერის ტემპერატურის დაკლება. 

დოდო გვაზავას ინფორმაციით, ხვალ, 5 ნოემბერს, უმეტეს რაიონში იწვიმებს, იქროლებს დასავლეთის მიმართულების ქარი, ზოგან ძლიერი. მთაში მოსალოდნელია თოვლჭყაპი, მაღალმთაში კი - ქარბუქი.

"6 -7-8 ნოემბერს, დაბლობ რაიონებში, ღამის ტემპერატურა 0-დან 2 გრადუსამდე დაიკლებს, მაღალმთაში კი იქნება ყინვა. 7 ნოემბრიდან 10 ნოემბრის ჩათვლით მოიმატებს ტემპერატურა და დღისით 15-დან 20 გრადუსამდე დაფიქსირდება",- განმარტავს დოდო გვაზავა.

მისივე ინფორმაციით, 6 ნოემბრიდან, კვირის ჩათვლით, დასავლეთ საქართველოში, უმეტესად, უნალექო ამინდია მოსალოდნელი.