გარემოს ეროვნული სააგენტოს ინფორმაციით, დასავლეთ საქართველოს დაბლობ რაიონებში, 1-2 ნოემბერს, თბილი და უნალექო ამინდია მოსალოდნელი.
ჰაერის ტემპერატურა დღისით +20, +23 გრადუსი დაფიქსირდება.

სააგენტოს ცნობით, 3 ნოემბერს გაწვიმდება და დაიკლებს ჰაერის ტემპერატურაც. გაძლიერდება დასავლეთის მიმართულების ქარიც.

რაც შეეხება აღმოსავლეთ საქართველოს მთიან რაიონებს, გარემოს ეროვნული სააგენტოს ინფორმაციით, 1-2 ნოემბერს უნალექო ამინდი იქნება, 3-4 ნოემბერს კი ზოგან გაწვიმდება და იქროლებს დასავლეთის მიმართულების ძლიერი ქარი. ჰაერის ტემპერატურა 1-3 ნოემბერს დღისით +13, +18 გრადუსი დაფიქსირდება, ხოლო 4 ნოემბერს დაიკლებს. 

დედაქალაქშიც 1-3 ნოემბერს უნალექო ამინდი იქნება. 3-4 ნოემბერს იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა 1-3 ნოემბერს დღისით +18, +20 გრადუსი დაფიქსირდება, ხოლო 4 ნოემბერს შედარებით აცივდება და შესაძლოა მცირე წვიმა აღინიშნოს.