ქუთაისში, 26 ოქტომბრის არჩევნებზე, 81 790 ბიულეტენიდან ბათილად 1171 ჩაითვალა.


ამის შესახებ ქუთაისი #59-ე საუბნო- საარჩევნო კომისიის თავმჯდომარემ ლარინა ლალიაშვილმა დღეს გამართულ ბრიფინგზე განაცხადა.

მისივე ინფორმაციით, ქალაქში გახსნილ 72 საარჩევნო უბანზე ხმები შემდეგნაირად გადანაწილდა: 

"ქართული ოცნება” – 38 089 ხმა, რაც საერთოდ ამომრჩევლის 47,25%-ს შეადგენს.

“ერთიანობა – ნაციონალური მოძრაობა” – 8 467 ხმა, 10,50%.

“კოალიცია ცვლილებებისთვის” – 11 461 ხმა, 14.22%.

“ძლიერი საქართველო” – 7 641 ხმა, 9,48%.

“გახარია საქართველოსთვის – 6 454 ხმა, 8,01%.

ქუთაისში არჩევანი 81 242 ადამიანმა დააფიქსირა, რაც ქალაქში რეგისტრირებული ამომრჩევლების 53,27%-ს შეადგენს.