ახალი ამბები
პარტიის ერთ-ერთი ლიდერის, ხატია დეკანოიძის თქმით, უბნებზე მათ წარმომადგენლებს საარჩევნო პროცესებზე შეუზღუდავად დაკვირვების საშუალება არ ეძლევათ.
"ერთიანობა ნაციონალური მოძრაობა" ქუთაისში დარღვევებზე საუბრობს
14:21 / 26.10.2024
"ერთიანობა ნაციონალური მოძრაობა"
ქუთაისის საარჩევნო უბნებზე, მათი დამკვირვებლებისა და კომისიის
წევრების მიერ დაფიქსირებულ დარღვევებზე საუბრობს.
პარტიის ერთ-ერთი ლიდერის, ხატია დეკანოიძის თქმით, უბნებზე მათ წარმომადგენლებს საარჩევნო პროცესებზე შეუზღუდავად დაკვირვების საშუალება არ ეძლევათ.
"#18 უბანზე საარჩევნო პროცესზე
დაკვირვების მიმართულებით იყო პრობლემები, ჩვენს დამკვირვებელს
მიაყენეს სიტყვიერი შეურაცხყოფა და გააძევეს უბნიდან. დაკვირვების
უფლება შეეზღუდათ ჩვენს დამკვირვებლებს 39-ე უბანზე, 40-ე უბანზე
ამომრჩეველმა გადაიღო ფოტო კაბინაში, მე-16 უბანზე კი გამორთეს ცესკოს
მიერ დამონტაჟებული კამერა, ამავე უბანზე ხელს უშლიდნენ ჩვენს
დამკვირვებლებს. ჩვენი დამკვირვებლების მიერ დაწერილია 20-ზე მეტი
საჩივარი", - განაცხადა ხატია დეკანოიძემ.
საქართველოში საარჩევნო პროცესი
მნიშვნელოვანი დარღვევებით დაიწყო. გარდა პროცედურული გადაცდომებისა,
მძიმე დარღვევები დაფიქსირდა მარნეულსა და ბაღდათში. მარნეულის #69-ე
საარჩევნო უბანზე ერთ-ერთმა დამკვირვებელმა საარჩევნო ყუთში რამდენიმე
ბიულეტენი ერთდროულად ჩაყარა. მომხდარის შემდეგ აღნიშნული უბანი
დაიხურა. ბაღდათის 23-ე საარჩევნო უბანზე კი, ამომრჩეველმა
ვერიფიკაციის რამდენიმე აპარატი დააზიანა, რის გამოც, ერთი საათის
განმავლობაში ხმის მიცემის პროცესი შეჩერებული იყო.
26 ოქტომბერს საქართველოში საპარლამენტო არჩევნები ტარდება.
ქვეყნის მასშტაბით, რეგისტრირებულია 3 508 294 ამომრჩეველი. გახსნილია 3 111 საარჩევნო უბანი.
საარჩევნო პროცესს აკვირდება 76 საერთაშორისო და 111 ადგილობრივი ორგანიზაციის დამკვირვებელი, ჯამში 25 000 - მდე პირი. პროცესს აშუქებს 199 მედია ორგანიზაციის 2800-ზე მეტი წარმომადგენელი.
26 ოქტომბერს საქართველოში საპარლამენტო არჩევნები ტარდება.
ქვეყნის მასშტაბით, რეგისტრირებულია 3 508 294 ამომრჩეველი. გახსნილია 3 111 საარჩევნო უბანი.
საარჩევნო პროცესს აკვირდება 76 საერთაშორისო და 111 ადგილობრივი ორგანიზაციის დამკვირვებელი, ჯამში 25 000 - მდე პირი. პროცესს აშუქებს 199 მედია ორგანიზაციის 2800-ზე მეტი წარმომადგენელი.
მასალის გამოყენების პირობები