ახალი ამბები
ეს "ქართული ოცნების" დამფუძნებლის დაპირების მესამედია, ხოლო რეალობა კობახიძის ოპტიმიზმს 14-ჯერ ჩამორჩება.
"ქუთაისის საერთაშორისო უნივერსიტეტში სტუდენტთა რაოდენობამ 20 000 - ს უნდა გადააჭარბოს" - კობახიძე
15:38 / 15.10.2024
პრემიერ-მინისტრი, ირაკლი კობახიძე
ამბობს, რომ ქუთაისის საერთაშორისო უნივერსიტეტში, რომელიც ბიძინა
ივანიშვილის დაპირებით, 60 000 - იან კონტინგენტზე იყო გათვლილი,
სტუდენტთა რაოდენობა 20 000-ს გადააჭარბებს.
ეს "ქართული ოცნების" დამფუძნებლის დაპირების მესამედია, ხოლო რეალობა კობახიძის ოპტიმიზმს 14-ჯერ ჩამორჩება.
"მნიშვნელოვნად გაფართოვდება
ქუთაისის საერთაშორისო უნივერსიტეტი, სადაც სტუდენტთა რაოდენობამ უნდა
მიაღწიოს 20 000 - ს და უნდა გადააჭარბოს ამ მაჩვენებელს " , -
განაცხადა პრემიერმა ქუთაისში ვიზიტის დროს.
რეალურად, "ქუთაისის საერთაშორისო
უნივერსიტეტში" წელს, მხოლოდ 300-მდე სტუდენტი ჩაირიცხა.
უნივერსიტეტის ინფორმაციით, უმაღლეს საგანმანათლებლო დაწესებულებაში
ჯამში 1400-მდე სტუდენტი სწავლობს.
ქუთაისის საერთაშორისო უნივერსიტეტი
უკვე მეოთხე წელია სტუდენტებს იღებს, თუმცა, რვა წლის წინ, ბიძინა
ივანიშვილის მიერ დაპირებულ რიცხვს არც კი მიახლოებია.
არჩევნებამდე რამდენიმე დღით ადრე,
ქუთაისში მყოფმა პრემიერმა ქუთაისზე ზრუნვა განსაკუთრებულ
პრიორიტეტადაც დაასახელა და თქვა, რომ ამის დასტური, მომავალი წლიდან,
ქალაქის ბიუჯეტის 40 მილიონი ლარით გაზრდაა.
ქუთაისში, უმაღლესი დონის
ტექნოლოგიური უნივერსიტეტის გახსნა "ქართული ოცნების" 2016 წლის
საარჩევნო დაპირებაა. საგანმანათლებლო დაწესებულების
პროექტის პრეზენტაცია არჩევნებამდე ერთი თვით ადრე გაიმართა, რომელსაც
ყოფილი პრემიერის რანგში ესწრებოდა ბიძინა ივანიშვილი. პრეზენტაციაზე
მაშინ ითქვა, რომ უნივერსიტეტში 60 000 სტუდენტი ისწავლიდა.
ამავე თემაზე:
ქუთაისის საკრებულო დღეს საუნივერსიტეტო ქალაქის განაშენიანების გეგმაზე იმსჯელებს
ქუთაისის საუნივერსიტეტო ქალაქი პროექტის პრეზენტაციიდან ორი თვის შემდეგ (ფოტო)
ქუთაისში საუნივერსიტეტო ქალაქში უცხოელი პროფესორები იმუშავებენ
"არც ერთი ხე არ მოიჭრება" - ქუთაისის მერი ტექნოლოგიური უნივერსიტეტის მშენებლობაზე
ამავე თემაზე:
ქუთაისის საკრებულო დღეს საუნივერსიტეტო ქალაქის განაშენიანების გეგმაზე იმსჯელებს
ქუთაისის საუნივერსიტეტო ქალაქი პროექტის პრეზენტაციიდან ორი თვის შემდეგ (ფოტო)
ქუთაისში საუნივერსიტეტო ქალაქში უცხოელი პროფესორები იმუშავებენ
"არც ერთი ხე არ მოიჭრება" - ქუთაისის მერი ტექნოლოგიური უნივერსიტეტის მშენებლობაზე
მასალის გამოყენების პირობები