საავტომობილო გზების დეპარტამენტმა შიდასახელმწიფოებრივი მნიშვნელობის თერჯოლა-ტყიბულის საავტომობილო გზის გარკვეული მონაკვეთის შეკეთებაზე ტენდერი გამოაცხადა.
სახელმწიფო შესყიდვის დოკუმენტის მიხედვით [NAT240019785], რეაბილიტაცია ჩოლაბურის ხიდი-თერჯოლა-ტყიბულის საავტომობილო გზის კმ8 - რუფოთი-ალისუბანი-საზანო-თუზი-ქვაციხე-კიცხის გზის კმ20 - კმ28+400 მონაკვეთს ჩაუტარდება.

სამუშაოების შესყიდვის სავარაუდო ღირებულება 14 325 839 ლარია.

წინადადების მიღება 2 ნოემბერს იწყება და 7-ში მთავრდება.

სატენდერო დოკუმენტის თანახმად, მიმწოდებელი ვალდებულია, ტენდერით გათვალისწინებული სამუშაოები, სამუშაოების დაწყების შესახებ შემსყიდველის წერილობითი დავალების გაცემიდან 12 თვეში დაასრულოს.