გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას, ინფორმაციით, დასავლეთ საქართველოში, მიმდინარე კვირის განმავლობაში, უმეტესად უნალექო ამინდია მოსალოდნელი.

მისივე თქმით, დღეს, 7 ოქტომბერს, თბილი ამინდი შენარჩუნდება, ხვალ, 8 ოქტომბერს კი უმეტეს რაიონში იწვიმებს, ზოგან მოსალოდნელია ელჭექი და ჰაერის ტემპერატურის 18-22 გრადუსამდე დაკლება. 

"9 ოქტომბერს შედარებით გამოიდარებს და ჰაერის ტემპერატურა დაიწყებს მომატებას. უნალექო ამინდი 12 ოქტომბრის ჩათვლით გაგრძელდება",- განმარტავს დოდო გვაზავა.

მისივე ინფორმაციით, 13 ოქტომბერს უმეტეს რაიონში კვლავ იწვიმებს და მოსალოდნელია ჰაერის ტემპერატურის დაკლება.