გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას, ინფორმაციით, მიმდინარე კვირას, დასავლეთ საქართველოში, არამდგრადი ამინდია მოსალოდნელი.

მისი თქმით, დღეს, 22 ივლისს, ჰაერის მაქსიმალური ტემერატურა 33 გრადუსი დაფიქსირდება, დღის ბოლოს კი შესაძლოა გაწვიმდეს.

ამასთან, იმერეთის ზოგიერთ რაიონში ხანმოკლე ხასიათის წვიმა მოსალოდნელია 23 და 24 ივლისის დღის ბოლოსაც. 

დოდო გვაზავას ინფორმაციით, 26 ივლისს შედარებით გამოიდარებს, 27 ივლისის დღის მეორე ნახევრიდან, 28 და 29 ივლისის ჩათვლით კი, მოსალოდნელია ჰაერის ტემპერატურის დაკლება 26 გრადუსამდე, წვიმა (ზოგან ძლიერი) და დასავლეთის მიმართულების ქარის გაძლიერება.