უკვე მეორე დღეა, ქუთაისის მოსახლეობის დიდ ნაწილს წყალი არ მიეწოდება.

წყლის მიწოდება ქალაქის აბონენტებს 4 ივლისს, 07:00 საათზე შეუწყდათ და 5 ივლისის 02:00 საათზე უნდა აღდგენოდათ, თუმცა, როგორც წყალმომარაგების კომპანიაში განმარტავენ, გეგმიური ტექნიკური სამუშაოების სირთულის გამო, წყალმომარაგების აღდგენის დრო 16:00 საათამდე გახანგრძლივდა.

4 ივლისს ქვიტირის გადამქაჩ სადგურში, 800 მმ დამწნეხი კოლექტორის შეცვლისა და ფარცხანაყანევის w-800m³ რეზერვუარის რეცხვა-დეზინფექციის გეგმიური სამუშაოები განხორციელდა.

წყალმომარაგების კომპანიის ინფორმაციით, სამუშაოების შედეგად, საგრძნობლად შემცირდება სასმელი წყლის დანაკარგი, რაც თავის მხრივ, გააუმჯობესებს წყლის ხარისხსა და მიწოდებას.