გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, მიმდინარე კვირას, დასავლეთ საქართველოში,  არამდგრადი ამინდებია მოსალოდნელი.

მისი თქმით, დღეს და ხვალ, 17-18 ივნისს, დღის მეორე ნახევრიდან იმერეთის უმეტეს რაიონში იწვიმებს.

ჰაერის მაქსიმალური ტემპერატურა 24-დან 29 გრადუსი დაფიქსირდება.

"19 ივნისი უმეტესად უნალექოდ ჩაივლის. 20 ივნისს, დღის მეორე ნახევრიდან მოსალოდნელია ზომიერზე ცოტა მეტი წვიმა",- განმარტავს დოდო გვაზავა.

მისივე თქმით, 22-23 ივნისს მოსალოდნელია მცირე ხანმოკლე წვიმა, ელჭექით და ჰაერის ტემპერატურის მატება 33-35 გრადუსამდე.