გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, დღეს, 10 ივნისს, დასავლეთ საქართველოში, წვიმა შენარჩუნდება და 
ჰაერის ტემპერატურა 24 გრადუსამდე დაიკლებს.

მისივე თქმით, 11-12 ივნისს, შუადღის საათებში, შესაძლებელია მცირე, ხანმოკლე ხასიათის წვიმა.

"კვირის ბოლომდე, 15 ივნისამდე, შედარებით მდგრადი, უნალექო ამინდი იქნება და ჰაერის ტემპერატურა 33-დან 36 გრადუსამდე მოიმატებს",- განმარტავს დოდო გვაზავა.

მისივე ინფორმაციით, 16 ივნისს ჰაერის ტემპერატურა დაიკლებს და მოსალოდნელია ხანმოკლე ხასიათის წვიმა ელჭექით.