ქუთაისის საერთაშორისო აეროპორტი მარტში 127 569 მგზავრსა და 374 რეისს მოემსახურა.

საქართველოს აეროპორტების გაერთიანების ინფორმაციით, დავით აღმაშენებლის სახელობის აეროპორტში,  გასული წლის მარტთან შედარებით, მგზავრების რაოდენობა 39%-ით არის გაზრდილი, რეისების რაოდენობა კი - 23%-ით.

ამ ეტაპისთვის, ქუთაისის საერთაშორისო აეროპორტიდან ხუთი ავიაკომპანია ოპერირებს. რეისები 20 ქვეყნის 39 მიმართულებით სრულდება.