მიმდინარე წლის ოქტომბრის თვეში, ქუთაისის საერთაშორისო აეროპორტი 164 176 მგზავრსა და 472 რეისს მოემსახურა.
როგორც აეროპორტების გაერთიანებაში აცხადებენ, 2022 წლის ანალოგიურ პერიოდთან შედარებით, მგზავრების რაოდენობა 415%-ით, ხოლო რეისების რაოდენობა 325%-ით არის გაზრდილი.

მათივე ინფორმაციით, 10 თვეში, ქუთაისის აეროპორტი 1 380 548 მგზავრს მოემსახურა. ამავე პერიოდში შესრულდა 4 087 რეისი.

ეს იმას ნიშნავს, რომ მგზავრების რაოდენობა, 2022 წლის ანალოგიურ პერიოდთან შედარებით, 107%-ით, ხოლო რეისების რაოდენობა 55%-ით არის გაზრდილი.