ხვალიდან, 1 ნოემბრიდან, მარტვილის კანიონსა და ოკაცეს ჩანჩქერზე სამუშაო საათები იცვლება.
ვიზიტორებს შესვლა 10:00 საათიდან 20:00 საათამდე შეეძლებათ.

როგორც დაცული ტერიტორიების სააგენტოში განმარტავენ, აქამდე მარტივილის კანიონი და ოკაცეს ჩანჩქერი ვიზიტორებისთვის ღია 00:00 საათამდე იყო, ზამთრის სეზონის მოახლოებასთან ერთად კი სამუშაო საათები შეიცვალა.

აღსანიშნავია, რომ მარტვილის კანიონი და ოკაცეს ჩანჩქერი წლებია დიდი პოპულარობით სარგებლობს და ვიზიტორთა სიმრავლით გამოირჩევა.