გუშინ, გვიან ღამით მოსულმა ძლიერმა წვიმამ გურიაში წყალდიდობა და მეწყერი გამოიწვია.

შინაგან საქმეთა სამინისტროს ინფორმაციით, გურიიის სხვადასხვა სოფელში, 3 ადამიანს, მათ შორის 2 არასრულწლოვანს ეძებენ.

უწყების ცნობით, ძლიერი ნალექის შედეგად დატბორილია საცხოვრებელი სახლები, საველე სავარგულები, მოტეხილია ხეები, ჩამოშლილია მიწის მასები, გარე სამყაროს მოწყვეტილია გურიის რეგიონის რამდენიმე სოფელი.

ადგილზე მობილიზებულია სახანძრო-სამაშველო ჯგუფები და მიმდინარეობს შესაბამისი სამუშაოები.

შსს-ს ინფორმაციით, 112-დან, საგანგებო სიტუაციების მართვის სამსახურში, გურიის და აჭარის რეგიონებიდან 100-ზე მეტი შეტყობინებაა შესული.