რიკოთის უღელტეხილზე, მშენებლობაზე დასაქმებული ერთი მუშა დაიღუპა, მეორე კი - დაშავდა.

შემთხვევა ხაშურის მუნიციპალიტეტის ტერიტორიაზე, საამქროში მოხდა. ამ ეტაპზე სხვა დეტალები უცნობია.

არსებული ინფორმაციით, დაღუპული ჩინეთის მოქალაქეა, დაშავებული კი - საქართველოსი და ის კლინიკაში გადაყვანილი.

როგორც "ქუთაისიპოსტს" შსს-ს პრესსამსახურში განუცხადეს, მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.